Muay Thai

An Muay Thai (Thai: มวยไทย, muai thai), kun minsan inaapod na boksing kan mga Tailandes, sarong isport sa paglaban na naggagamit nin stand-up na pagtira sa kalaban kaiba an manlainlain na teknik sa clinching. An disiplinang ini inaapod na "Arte nin walong kalamias", nin huli ta karakterisado kaini an pinagsararong paggamit nin mga kamoo, siko, tuhod asin shin.^[1] An Muay Thai nagin lakop-lakop an internasyonal sa huring parte kan ika-20 hanggang ika-16 na siglo, kunsoarin an tagapraktis na taga Solnopan nagpoon sa kompetisyon sa kickboxing asin sa saralak na reglamento na matches siring man sa irarom kan reglamentong Muay Thai sa bilog na kinaban. An propesyonal na liga sakop kan The Professional Boxing Association of Thailand (P.A.T), sinangksyon kan The Sports Authority of Tailandya (S.A.T.).

An Muay Thai igwa nin kinaaraman sa iba pang mga istilo nin martial arts arog kan Musti-yuddha, Adimurai, Muay Chaiya, Muay Boran, Muay Lao, Lethwei, Benjang asin Tomoi.^[2] Inaapod an mga tagapraktis kan Muay Thai na Nak Muay. An mga tagapraktis na taga Solnopan sa Tailandya kun minsan inaapod na Nak Muay Farang, na boot sabihon "Banyagang Boksingero".^[3]

1. ↑ Kuswandini, Dian (2009-07-22). "Get fit the Muaythai way". The Jakarta Post. http://www.thejakartapost.com/news/2009/07/22/get-fit-muaythai-way.html. 
2. ↑ Wee, Lionel; Goh, Robbie B. H. (2019). Language, Space and Cultural Play: Theorising Affect in the Semiotic Landscape. ISBN 9781108472203. Archived from the original on 12 March 2023. Retrieved 9 July 2020. 
3. ↑ Reynolds, Alex (2006-01-24). "Fighting as a 'farang' for a fist full of Baht". https://www.telegraph.co.uk/expat/4198854/Fighting-as-a-farang-for-a-fist-full-of-Baht.html.